Home / செய்திகள் / தொழில்நுட்பம் / காடாக மாறிய அமேசான் வர்த்தக நிறுவனம்

காடாக மாறிய அமேசான் வர்த்தக நிறுவனம்

உலகின் முதல் இடத்தில் இருக்கும் அமேசான் வர்த்தக நிறுவனம் தனது அலுவலகம் முழுவதையும் மரம், செடி, கொடிகள் மூலம் காடாக மாற்றியுள்ளது.

கான்கீரிட் கட்டிடங்களுக்குள் பணிபுரியும் ஊழியர்கள் மத்தியில், அமேசான் நிறுவனம் ஊழியர்களின் புத்துணர்ச்சிக்காக அலுவலகம் முழுவதையும் காடாக மாற்றியுள்ளது. வாஷிங்டன்னில் அமைந்துள்ள அமேசான் அலுவலகம் முழுவதும், தாவரங்களால் அலங்கரிக்கப்பட்டு பசுமையாக காட்சியளிக்கிறது.

பசுமையான தாவரங்களுக்கு நடுவே அலுவலக அறைகள், அரங்குகள் மற்றும் உணவு விடுதிகள் அமைந்துள்ளன. 400 வகைகளைச் சேர்ந்த 40 ஆயிரம் செடி வகைகள் இங்கு வளர்க்கப்படுவதாக அமேசான் நிறுவனம் கூறியுள்ளது.

மேலும், அலுவலகங்களில் வளர்க்கப்படும் தாவரங்களுக்கு செயற்கையாக மழை, சூரிய ஒளி முதலியவை கிடைக்கவும் ஏற்பாடு செய்யப்பட்டுள்ளது.

இத்தகைய பசுமையான அலுவலகங்களுக்கு நடுவே பணிபுரிவதால் ஊழியர்களின் சிந்தனைதிறன் மேம்படுவதாகவும் அமேசான் நிறுவனம் கூறியுள்ளது.